Calendario Alas A Coruña 2016

Tódolos beneficios se empregarán en actividades de visibilización e defensa do colectivo LGTBI.

No colexio dinnos que o arco da vella ten 7 cores. No instituto, que percorre o infinito espectro visible. Ao botar en falta o rosa, descubrimos que en realidade só inclúe cores puras e que alterando saturación e brillo o infinito tórnase máis infinito todavía.

Así é a diversidade nas persoas: unha maraña de aspectos superpostos que nos fan diferentes e que son difíciles de etiquetar e cuantificar. Por iso este ano empregamos cores para expresar a diversidade. Cores que comezan illadas pero que ao se xuntaren son capaces de expresar conceptos cos que nos sentimos identificad@s.

E é que as bandeiras non son máis que combinacións de cores, e as etiquetas, simples ferramentas para visibilizar realidades concretas que sempre se quedarán curtas, moi curtas, á hora de expresar a enorme diversidade que nos rodea. Con este calendario pretendemos mostrar só unha mínima fracción desa diversidade. Grazas @s que o fixestes posible.

5

1 valoraciones en total